gigireun ranjang urang nungguan
harepan usik malik tapi pongpok
meureut beuki heureut rohang jembar
haté urang. kapan aisan geus diécagkeun
basa pasar kojéngkang cikénéh
miang pirang-pirang anggangna
mangsa gurat mangsi juru mata
nalingakeun kalam ninggang alum
salju jeung kamar béda nyecepna
kana balung nu saban peuting nafakuran
posisi mana pangtumaninahna
"sakiceup deui!” ceuk anjeun
bari nyingkahan angin nebak kongkolak
waruga saha nu diboyong dimandian
0 komentar:
Poskan Komentar